МІНСК, 16 сне — Sputnik. Пастаўкі харчавання 20 беларускіх сельскагаспадарчых прадпрыемстваў абмежаваныя ў Расіі, заявіў напярэдадні міністр сельскай гаспадаркі і харчавання рэспублікі Леанід Заяц у эфіры тэлеканала АНТ.
Кіраўнік Мінсельгасхарча падкрэсліў, што Беларусь пастаўляе прадукты харчавання ў 58 краін свету, у тым ліку і Еўрасаюз, а ў Расію — 94% усяго экспарту беларускіх прадуктаў харчавання. Пры гэтым міністр дадаў, што прэтэнзіі па якасці прад'яўляе толькі расійскі бок.
"З іншых краін нам не паступала ніякіх рэкламацый, ніякіх прэтэнзій па якасці. Пачасціліся выпадкі сёння паступлення рэкламацый з боку нашага галоўнага партнёра — Расійскай Федэрацыі", — сказаў Заяц.
Ён таксама паведаміў аб парушэннях пры адборы пробаў экспартуемых Беларуссю прадуктаў харчавання і прывёў прыклад Віцебскай птушкафабрыкі, пастаўкі прадукцыі якой Расія абмежавала 30 лістапада.
"Відавочнае парушэнне Даста адбору і дастаўкі ўзораў у лабараторыю. Па Дасце пакладзена адбіраць узор і захоўваць пры тэмпературы 2-6 градусаў цяпла пры дастаўцы на працягу шасці гадзін. Узор быў адабраны 8 красавіка, а дастаўлены 15 красавіка", — сказаў міністр.
Кіраўнік Мінсельгаспрада адзначыў, што расійскі бок часам выкарыстоўвае некарэктныя метады правядзення даследаванняў, адзначыўшы, што пры праверцы малочных прадуктаў прымяняецца метад, які пакуль не сертыфікаваны ў Мытным саюзе.
"Мы звярнуліся ў Еўразійскую эканамічную камісію, з якой за подпісам міністра было дадзена тлумачэнне аб тым, што гэты метад непрымальны", — дадаў Заяц.
Ён закрануў таксама працы расійскіх праваахоўных органаў, адзначыўшы, што паліцыя часам не рэагуе належным чынам на выяўленне фактаў падробкі беларускай прадукцыі.
