У Кітаі выдалі зборнік "Беларусь вачыма кітайскіх дыпламатаў"

© AP / Andy WongВартавыя ў Пекiне
Вартавыя ў Пекiне - Sputnik Беларусь
Падпісацца
У кнізе прадстаўлены ўспаміны 20 кітайскіх дыпламатаў, якія ў розны час працавалі ў нашай краіне.

МІНСК, 14 сту — Sputnik. У Кітаі апублікаваны зборнік "Беларусь вачыма кітайскіх дыпламатаў", паведаміў тэлеканал "Беларусь 1".

Навукова-папулярнае выданне Беларусь – старонкі гісторыі - Sputnik Беларусь
Кітайская і руская мовы прасоўваюць беларускую навуку

Як адзначаецца, прэзентацыя выдання прысвечана 25-годдзю ўстанаўлення дыпламатычных адносін паміж Мінскам і Пекінам. У кнізе прадстаўлены ўспаміны 20 кітайскіх дыпламатаў, якія ў розны час працавалі ў нашай краіне.

"Я працаваў паслом КНР у Беларусі шмат гадоў, лічу яе другой радзімай. Мы разам з калегамі пісалі матэрыялы ў гэты зборнік, каб прадставіць гэтую выдатную краіну праз свой вопыт. Мы спадзяемся, што дзякуючы нашай кнізе больш кітайцаў даведаюцца аб гэтай краіне. Беларусь вельмі важная для Кітая, яна адыгрывае важную стратэгічную і геаграфічную ролю ў ініцыятыве "адзін пояс — адзін шлях", таму ўмацаванне адносін паміж двума народамі неабходна", — заявіў у эфіры тэлеканала аўтар зборніка Юй Чжэньцы.

Пасол Вялікабрытаніі Фіёна Гiбб наведала Гродна - Sputnik Беларусь
Фіёна Гіб: Беларусь становіцца больш даступнай для брытанцаў

Пасол Беларусі ў Кітаі Кірыл Руды ў сваю чаргу адзначыў, што "20 студзеня мы будзем адзначаць 25-годдзе ўсталявання дыпламатычных адносін паміж Беларуссю і Кітаем. У нас у многіх сферах ужо ёсць пэўныя дасягненні, але патэнцыялам развіцця на будучыню лічым менавіта рэгіянальнае супрацоўніцтва".

Таксама плануецца публікацыя аналагічнага мемуарнага зборніка "Кітай вачыма беларускіх дыпламатаў".

Стужка навiн
0