МІНСК, 31 сту — Sputnik. На ХХ з’ездзе грамадскай арганізацыі "Ахова птушак Бацькаўшчыны" прагаласавалі за птушку года-2018. Аднак даведаемся яе імя мы толькі ў канцы года. Пакуль што скрыня для галасавання апячатана — падлічаць галасы і назавуць птушку-пераможцу толькі ў канцы 2017.
Нагадаем, што двух кандыдатаў на званне птушкі 2018 года прапаноўвала арганізацыя, а трэцяга выбралі на сайце адкрытам галасаваннем. Звычайная рудахвостка набрала больш за ўсё галасоў з 37 відаў птушак, якіх вылучалі члены і сябры арганізацыі і на 41 голас апярэдзіла сізага дзятла.
Такім чынам птушка 2018 года абіралася з трох кандыдатаў: грака, чорнагаловага шчыгла і звычайнай рудахвосткі.
Птушка года абіраецца ў Беларусі з 2000 года, а сёлета ёй з'яўляецца чубаты жаваранак.
