МІНСК, 2 лют — Sputnik. Вечар памяці народнага артыста Аляксандра Ціхановіча пройдзе ў сталічным Палацы Рэспублікі 10 лютага.
Ціхановіч памёр у ноч з 27 на 28 студзеня пасля працяглай хваробы лёгкіх. Развітваліся з народным артыстам у Мінску 30 студзеня — на паніхіду прыйшлі тысячы чалавек.
Вечар памяці Ціхановіча арганізуюць і ў Палацы Рэспублікі. Канцэрт пройдзе 10 лютага, многія артысты выканаюць там кампазіцыі экс-лідэра "Верасоў". Сярод тых, хто будзе выступаць — Анастасія Ціхановіч, Ядвіга Паплаўская, ансамбль "Песняры", Тэа, Георгій і Дзмітрый Калдуны, а таксама многія іншыя выканаўцы.
Квіток на канцэрт памяці Аляксандра Ціхановіча каштуе 10-20 рублёў. Частка самых танных квіткоў на мерапрыемства ўжо распрададзеная.
Пачнецца вечар памяці ў 19:00, у той жа дзень пакажуць і тэлеверсію канцэрту — на АНТ а 21:05.
