МІНСК, 7 лют — Sputnik. Аранжавы ўзровень небяспекі аб'яўлены на ноч серады 8 лютага з-за моцных маразоў, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі папярэдзілі, што разам з антыцыклонам Erika ў Беларусь прыйдзе пахаладанне: чакаецца, што месцамі пры праясненнях слупкі тэрмометраў апусцяцца ніжэй адзнакі —25°С.
"Аранжавы ўзровень небяспекі: у ноч на 8 лютага па паўночным усходзе Віцебскай і Магілёўскай абласцей тэмпература паветра панізіцца да —25..-28°С", — сказалі ў Гідрамеце.
Маразы, па інфармацыі Гідрамета, захаваюцца да канца працоўнага тыдня — цяплець пачне на выходных.
