МІНСК, 8 лют — Sputnik. Продаж квіткоў на міжнародны песенны конкурс "Еўрабачанне-2017", які пройдзе ў Кіеве, адкладзены з-за скаргі ўдзельнікаў тэндэра ў Антыманапольны камітэт, паведаміў арганізатар конкурсу, тэлеканал "Першы нацыянальны".
Раней мэрыя ўкраінскай сталіцы паведаміла, што квіткі на "Еўрабачанне" з'явяцца ў продажы на гэтым тыдні. Цяпер жа арганізатары запэўніваюць, што гледачы змогуць купіць квіткі ўжо ў гэтым месяцы.
Тэндэр на паслугі па продажы квіткоў выйграла кампанія "Ве Тикет". Іншыя ўдзельнікі тэндэру паскардзіліся ў Антыманапольны камітэт, які ў выніку праверкі заявіў аб тым, што і пераможца, і іншыя ўдзельнікі не адпавядалі шэрагу патрабаванняў.
Украіна атрымала права прымаць "Еўрабачанне-2017" пасля перамогі спявачкі Джамаль у Стакгольме ў 2016 годзе. Фінал песеннага конкурсу запланаваны на 13 мая, а паўфіналы плануецца правесці 9 і 11 мая. Краіна ўжо прымала "Еўрабачанне" ў 2005 годзе, атрымаўшы такую магчымасць дзякуючы перамозе на конкурсе ў Стамбуле спявачкі Русланы.
Беларусь на "Еўрабачанні" прадставіць пераможца Нацыянальнага адбору, група Naviband.
