МІНСК, 12 лют — Sputnik. "На пачатку было слова", так называецца канцерт-прысвячэнне М. Лютэру і Ф. Скарыне, які падрыхтавалі супрацоўнікі Дзяржаўнай філармоніі да 500-годдзя беларускай Бібліі і кнігадрукавання, а таксама да 500-годдзя нямецкай і еўрапейскай рэфармацыі.
Дзяржаўны Камерны хор Рэспублікі Беларусь, ансамбль салістаў "Вытокі", камерны аркестр "CAPELLA ACADEMIA" выканае творы Яна Гуса, Марціна Лютэра, Себасцьяна Баха.
Аўтар праекта і дырыжор — лаўрэат міжнародных конкурсаў Аляксей Фралоў вельмі дасканала падбіраў творы, каб юбілейная праграма бала поўнай духоўнага спазнання і адкрыццяў для ўсіх слухачоў.
Напрыклад, Марцін Лютэр быў вельмі рознабаковым чалавекам. Адораны і музычна, ён сачыняў харалы і браў ужо папулярныя тады мелодыі для новых хрысціянскіх гімнаў. Яго тэзіс: "Не аддадзім аніводнай прыгожай мелодыі д'яблу!" Лютэраўскі харал "Цвярдыня наша — Вечны Бог" — адзін з самых славутых у гісторыі сусветнай музыкі.
Апрача геніяльнай музыкі, арганізатары заклалі ў канцэрт і яшчэ адно важнае зерне: мабыць таму і дасягнулі названыя геніяльныя аўтары вяршынь духа, праяўленых у шэдэўрах мастацтва, што ў аснове іх творчасці — на пачатку ўсяго было слова!
Канцэрт адбудзецца сёння, пачатак у 19 гадзін.
