МІНСК, 12 — Sputnik. У віцебскім тэатры "Лялька" на Дзень усіх закаханых падрыхтаваны не проста спектакль, а цэлы карнавал любові.
Падабраная па тэматыцы свята вясёлая пастаноўка "Дэкамерон", гэта апошняе, што чакае гледачоў. Спачатку ж яны самі стануць актыўнымі ўдзельнікамі дзейства — навучацца танцаваць падчас спецыяльнага майстар-класа тэатральнай студыі VIP-DANCE, сфатаграфуюцца на памяць і нават правераць моц кахання, паваражыўшы самымі рознымі спосабамі.
Усе гэтыя забавы пройдуць ва ўтульным фае. Пачатак карнавала ў 18:30, аднак арганізатары сцвярджаюць, што вы не засумуеце, калі наведаеце ўстанову раней.
"Беларускі тэатр "Лялька" нягледзячы на лялечкую назву працуе як для дзяцей, так і для дарослых, а з 2000 года носіць назву Заслужаны калектыў Рэспублікі Беларусь.
На рахунку "Лялькі" Гран-пры многіх тэатральных фестываляў.
