МІНСК, 20 лют — Sputnik. Акцыя "Напішы дыктоўку" па творах розных вядомых беларускіх літаратараў у дзень роднай мовы праходзіць ужо дзесяты раз. У розных рэгіёнах Беларусі абіраюць свайго любімага аўтара, а Таварыства беларускай мовы прапануе сёлета на выбар шэраг дыктовак па творах беларускамоўных аўтараў.
А дзяржаўны літаратурна-мемарыяльны музея Якуба Коласа, канечне, падабраў урыўкі з твораў Якуба Коласа і падрыхтаваў падарункі для тых наведвальнікаў, якія атрымаюць за веданне класіка "дзесятку".
Арганізатары акцыі прапануюць 21 лютага напісаць дыктоўку і вызначыць, з якога твора Якуба Коласа узяты ўрывак.
Удзельнікі, якія напішуць дыктоўку на дзесяць балаў і правільна назавуць твор Якуба Коласа, атрымаюць памятныя сувеніры ад музея.
