МІНСК, 21 лют — Sputnik. Дажджлівае надвор'е захаваецца ў Беларусі ў аўторак: у многіх раёнах пройдуць дажджы з мокрым снегам, чакаецца моцны парывісты вецер, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі папярэдзілі, што ў краіну ідуць атмасферныя франты, з-за чаго надвор'е ў рэспубліцы істотна пагоршыцца.
"Будзе воблачна з праясненнямі, у многіх раёнах краіны пройдуць кароткачасовыя ападкі — у асноўным дождж, раніцай па ўсходзе з мокрым снегам. На асобных участках дарог галалёдзіца", — сказалі ў Гідрамеце.
Там таксама паведамілі, што вецер у аўторак будзе паўднёва-заходняга і заходняга напрамку, парывісты. Паводле інфармацыі сіноптыкаў, максімальная тэмпература паветра ўдзень складзе +2..+8°С.
У Мінску чакаецца кароткачасовы дождж, а днём слупкі тэрмомертаў падымуцца да адзнакі +6°С.
