Урачыстае адкрыццё музея адбылося ў дзень 950-годдзя горада Мінска 3 сакавіка. Першую экскурсію па музеі правялі Андрэю Шорцу: ён пасядзеў у вагоне конкі, азнаёміўся з экспанатамі музея — рэчамі таго часу.
У першай зале наведвальнікі ўбачылі кантору кіравання конна-чыгункі, а ў другім акунуліся ў атмасферу горада канца XIX — пачатку XX стагоддзя: тут у натуральную велічыню прадстаўлены прыпынак конна-чыгункі, вагон конкі, вітрыны крамы Левіна, аптэка Стараневіча і паштова-тэлеграфная кантора, міма якіх праходзілі маршруты першага грамадскага транспарту сталіцы.
Музей абсталяваны экранамі, з дапамогай якіх можна прайсці віртуальную экскурсію — даведацца аб павозках таго часу, дарогах для конкі, іх працягласці, а таксама прайсці квэст, па выніку якога можна атрымаць кніжку фурмана мінскай конкі.
У дзень адкрыцця музея прыйшло шмат наведвальнікаў, таму работнікам нават прыйшлося пускаць людзей па чарзе.
Музей размешчаны па адрасе: вул. Кірылы і Мяфодзія, 6 і адкрыты для наведванняў з серады па нядзелю з 11:00 да 19:00.
