Сакавіцкія каты "выйшлі" на мінскія вуліцы — знайсці іх можна на сценах дамоў у розных раёнах.
Першыя каты з'явіліся ў горадзе ў 2015 годзе, як частка праекта Viber, які размясціў сярод сваіх стыкераў тых жа катоў, якіх можна бачыць у горадзе. Ідэя напоўніць горад катамі так спадабалася мінчанам, што ў гэтым годзе малюнкаў стала яшчэ больш.
Аўтарамі новых сакавіцкіх катоў сталі чатыры стрыт-арт мастака — Міця Післяк, Жэня Cowek, Саша Contra і Маша Grapewave.
Каты будуць з'яўляцца на сценах і далей, а на відэа можна паглядзець, як мастакі, якія працавалі над мураламі, вучылі журналістаў і блогераў маляваць смешных катоў, якія здольныя ператварыцца ў стыкеры.
