Рэпартаж з сучаснага: як нараджаецца балет

© Photo : Никита ФедосикВалянцін Елізар'еў на рэпетыцыі
Валянцін Елізар'еў на рэпетыцыі - Sputnik Беларусь
Падпісацца
У Мінску 30 сакавіка адкрыецца фотавыстава, якая расказвае пра вядомага харэографа ў нязвыклай іпастасі - некалькі месяцаў малады фатограф здымаў рэпетыцыі маэстра з яго вучнямі.

МІНСК, 29 сак — Sputnik. Заўтра ў Мінску ў галерэі "Універсітэт культуры" адкрыецца выстава "Валянцін Елізар'еў: рэпартаж з цяперашняга часу". Гледачы змогуць убачыць "закадравае" жыццё балета — як праходзяць рэпетыцыі вядомага харэографа, яго працу са студэнтамі ў рэпетыцыйных залах Музычнага тэатра Беларусі.

Балетмайстр Валянцін Елізар'еў - Sputnik Беларусь
Імя беларускага балета

"Я лічу, што кожны павінен пакінуць пасля сябе вучняў. І гэта не павінна быць копія цябе. Важна развіць іх здольнасці — у гэтым галоўная задача настаўніка. Задача педагога — навучыць іх убачыць нешта сваё ў матэрыяле і паказаць гэта", — распавёў харэограф у мультымедыйным прэс-цэнтры Sputnik.

Аўтар фатаграфій — студэнт адной з мінскіх ВНУ, малады фатограф Мікіта Фядосік.

"Ідэя праекта з'явілася спантанна. Мікіту пашчасціла трапіць на рэпетыцыю Валянціна Мікалаевіча, паназіраць, як маэстра працуе з вучнямі. Узнікла ідэя захаваць гэтую імгненную жэсту педагога. Бо мы ўсе ведаем Елізар'ева як харэографа, а тут ён у новай іпастасі — настаўніка", — распавяла куратар выставы Кацярына Саладуха.

Малады фатограф прызнаўся, што балет зацікавіў яго, калі ён аднойчы ўбачыў пастаноўку "Спартак", а калі падгарнуўся выпадак папрысутнічаць на занятках Елізар'ева, ён ім з задавальненнем скарыстаўся.

"Я зразумеў, што хачу распавесці сваім аднагодкам пра гэтага чалавека, пра мастацтва балета. Я хацеў бы, каб яны паспелі ўбачыць тыя яго спектаклі, якія ідуць у Вялікім тэатры, а тыя, якія ўжо не ідуць — паглядзець у інтэрнэце", — распавёў Мікіта.

© Photo : Никита ФедосикПадчас рэпетыцыі назіраць за харэографам бывае значна цікавей, чым за артыстамі балета
Во время репетиции наблюдать за хореографом бывает значительно интересней, чем за артистами баета - Sputnik Беларусь
Падчас рэпетыцыі назіраць за харэографам бывае значна цікавей, чым за артыстамі балета

Ён хадзіў да Елізар'ева на заняткі некалькі месяцаў. З тысячы знятых кадраў для выставы было абрана 54. Адбіралі вельмі прыдзірліва, у гэтым Мікіту дапамагаў яго дзед Саша Варламаў.

"Гэта першая выстава ў жыцці Мікіты і першая фотавыстава для мяне", — прызнаўся на прэзентацыі ў МПЦ Sputnik Елізар'еў.

Ён дадаў, што першыя дні, калі малады чалавек стаў хадзіць на рэпетыцыі, ён моцна раздражняў: "Потым я да яго прывык, а цяпер яго як быццам не хапае на занятках". Па словах Елізар'ева, яго падкупіла шчырасць і цікаўнасць маладога фатографа.

"Хацелася паказаць яму свет балета — той свет, які ён не бачыў ніколі, які нябачны і для гледача. Мікіта апынуўся вельмі ўспрымальным — па-мойму, у выставе ёсць нешта зачаравальнае", — распавёў Елізар'еў.

Гэтая выстава — адно з першых мерапрыемстваў напярэдадні юбілею Валянціна Елізар'ева. Сваё 70-годдзе харэограф адзначыць у канцы кастрычніка на сцэне Вялікага тэатра оперы і балета Беларусі двума аўтарскімі пастаноўкамі — новай рэдакцыяй легендарнага "Спартака" і гала-канцэртам зорак сусветнага балета.

Выстава будзе доўжыцца да 13 красавіка, уваход на яе бясплатны.

Стужка навiн
0