https://bel.sputnik.by/20170330/kab-rybku-esci-trehba-u-vadu-lezci-1028084591.html

Каб рыбку есці, трэба ў ваду лезці

Каб рыбку есці, трэба ў ваду лезці

Sputnik Беларусь

Аляксей Цёплы — рыбе воля. Гэты прысвятак святкуюць 30 сакавіка. Аляксей Весняны лічыцца днём рыбалова. У народзе казалі: "Калі бацька рыбак, то і сын у ваду... 30.03.2017, Sputnik Беларусь

2017-03-30T16:51+0300

2017-03-30T16:51+0300

2017-03-31T08:45+0300

спадчына

у беларусі

галоўнае

культура

беларусь

традыцыі

беларуская кухня

гісторыя

https://cdnn11.img.sputnik.by/img/101885/78/1018857838_0:7:2290:1295_1920x0_80_0_0_caa38000433d6e95d33f6adb65783041.jpg

Сёлета лёду на вадзе практычна не засталося, бадай што можа толькі на поўначы Беларусі. Што ж, глабальнае пацяпленне!Ларыса Мятлеўская, Sputnik.Калісьці на рэках і азёрах у нашых краях лёд яшчэ трымаўся, хоць і быў вельмі тонкі. Пра тое сведчыць вядомая у Рэчыцкім павеце прыказка: "На Аляксея лёд такі слабкі, што яго і рыба хвастом разаб'е". Рыбакі пачыналі рыхтаваць снасці, плялі сеткі. Існавала нават павер'е, што ў сеткі, сплеценыя у гэты дзень, будзе лавіцца шмат рыбы. "Аляксей сеці садзіць, лодкі смаліць, рыбу коліць". Адразу ўсё зразумела — што, чым і як. У пошуках беларускіх кулінарных рэцэптаў завітала ў аграгарадок Спорава, што ў Бярозаўскім раёне Брэсцкай вобласці. Тутэйшыя людзі любяць пажартаваць: "Смачна рыба карасі, але ядуць яе не ўсі! А хто есць? Той, хто ловіць".Нашы рэкі і азёры заўжды былі поўныя разнастайнай рыбы: ліні, вугры, судакі, стронгі, шчупакі, карасі, ляшчы, плоткі, карпы, сяляўкі і іншыя. Толькі не лянуйся, лаві ды гатуй смачныя стравы! І хоць у народзе і кажуць: "Няма лепшай рыбкі, як свіная каўбаса", але да страў з рыбы ставяцца з вялікай прыязнасцю. Бяседны стол ніколі не будзе поўным без рыбнай стравы.Рыбу ядуць вельмі часта. Гатуюць стравы як са свежай рыбы, так і з нарыхтаванай на запас. Акрамя юшкі (вухі) і іншых першых страў з рыбай, яе адварваюць, запякаюць, фаршыруюць, робяць халадзец, сушаць, вэндзяць, марынуюць.Паўсюдна, дзе гатуюць рыбныя стравы, прытрымліваюцца аднаго правіла, рыба павінна быць абсалютна свежая — толькі тады яна будзе здаровай і смачнай ежай. У старадаўняй беларускай кухні немала добрых рэцэптаў, якія варта ўзяць на заметку і сучаснай гаспадыні.Пачніце раніцу са смачнага сняданка. Калі раптам няма пад рукой селядца, то добра будзе і сечаны селядзец (фаршмак), які прадаецца ў харчовых крамах.Ну а калі ўсё ж такі ёсць час, то варта з'ездзіць на кірмаш і купіць селядца абавязкова з малокамі. Тут ужо райцеся з прадаўцом і прасіце крыху надрэзаць брушка. Ото тады ў вас атрымаецца смаката. Ну і пра каперсы не забудзьцеся. Я ж, калі вы памятаеце, улетку марынавала каперсы з капуцынаў. Вось і ласуюся імі цяпер.Грэнкі халодныя з селядцом на сняданакЖаўткі звараных укрутую яек змяшаць з алеям і гарчыцай, старанна расцерці масу. З вымачаных селядцоў зняць скурку, выбраць косткі, нарэзаць філе лустачкамі крыху наўскос. Малокі селядцоў пасекчы з каперсамі, змяшаць іх з алівавай масай, намазаць гэтым падсмажаныя грэнкі з булкі, наверх выкласці кавалачкі селядцоў.Карп з начынкай з грэцкай кашайПачысціць ад лускі карпа, выпатрашыць, выдаліць з галавы жабры, памыць, пасаліць усярэдзіне і зверху. Зварыць рассыпістую грэцкую кашу, дадаць абсмажаную цыбулю, па смаку соль і перац, разбіць яйка, перамяшаць. Кашай начыніць рыбіну разам з галавой, выкласці яе ў пасудзіну адпаведнай формы, вышмараваную сметанковым маслам, ліць смятану і трошкі вады. Запякаць у печы альбо духоўцы 45-50 хвілін.У грэцкую кашу можна дадаць крыху свежых грыбоў, падсмажаных разам з цыбуляй.Не гледзячы на тое, што рэцэпт вельмі просты — страва атрымваецца найсмачнейшая. Прынамсі я гатую яе часта, нават у мікрахвалёўцы.Смачна есці і да сустрэчы!

https://bel.sputnik.by/20170330/chas-kali-plachuc-byarozy-i-giros-vam-u-talerku-1028075928.html

https://bel.sputnik.by/20160919/1025274947.html

беларусь

2017

Навіны

ru_BY

спадчына, у беларусі, галоўнае, культура, беларусь, традыцыі, беларуская кухня, гісторыя