Радыё

Эксклюзіўнае інтэрв'ю пасла РФ у Беларусі Аляксандра Сурыкава

© Sputnik Михаил ЛуханинПасол Расійскай Федэрацыі ў Беларусі Аляксандр Сурыкаў
Пасол Расійскай Федэрацыі ў Беларусі Аляксандр Сурыкаў - Sputnik Беларусь
Да Дня яднання народаў Беларусі і Расіі пасол Расійскай Федэрацыі ў Беларусі Аляксандр Сурыкаў даў эксклюзіўнае інтэрв'ю вядучаму радыё Sputnik Беларусь Вячаславу Шарапаву і адказаў на самыя праблемныя пытанні ва ўзаемаадносінах дзвюх краін.
Эксклюзивное интервью посла РФ в Беларуси Александра Сурикова

Кампраміс у нафтагазавай спрэчцы, у любым выпадку, будзе дасягнуты, перакананы пасол Расійскай Федэрацыі ў Беларусі. Хто зробіць першы крок, акрэсліць сустрэча лідэраў дзвюх дзяржаў.

"Мяне хвалююць некалькі іншыя пытанні, таму што гэтая сітуацыя пачынае свядомым чынам паўтарацца. Мабыць, у гаспадарчых суб'ектаў, якія паміж сабой спрачаюцца, разумення няма. І я гляджу, што няма і разумення таго, што яны свае спрэчкі павінны вырашаць у судзе. А не ва ўладных структурах. І ва ўладных структур Расіі і Беларусі таксама чамусьці пакуль адсутнічае разуменне, што не трэба лезці ў спрэчкі гаспадарчых суб'ектаў, хай вырашаюць гэтую справу ў судзе. Гэта было б правільна, і тады гэтых спрэчак стала б значна менш. Я не першы раз пры такіх ускладненнях прысутнічаю, і гэта цалкам няправільна, калі ўлада ўлазіць у справы гаспадарнікаў", — сказаў дыпламат.

Аглядальнік агенцтва Sputnik Алена Альшанская - Sputnik Беларусь
Радыё
Чаму напярэдадні сустрэчы прэзідэнтаў газавая спрэчка зайшла у тупік?

Аляксандр Сурыкаў пракаментаваў і нядаўнія пратэстныя з'явы, якія адбыліся практычна адначасова ў Расіі і Беларусі.

"У Расіі мне зразумела, там хутка будзе стартаваць перадвыбарная праграма прэзідэнта Расійскай Федэрацыі, і камусьці хочацца засвяціцца, прычым на тэме, над якой працуе і ўлада. Гэта, безумоўна, такі перадвыбарчы ход, які дазваляў бы ўлезці на плячах незадаволеных на больш высокі аўтарытэт у грамадства і спрабаваць нешта зрабіць у прэзідэнцкай кампаніі. У Беларусі некалькі іншая сітуацыя, тут апазіцыя выкарыстала як бы недапрацоўкі ўлады ў частцы прыняцця аднаго з законаў, даволі сур'ёзна заціскаючага частку грамадства. Трэба ж высветліць, хто гэта свядома не жадае працаваць. Вось гэтага не адбылося. І другое, праведзена рашэнне без належнага абмеркавання ў грамадстве. І на гэтых настроях дастаткова ўмела пачала гуляць апазіцыя, каб здабыць больш фінансавання", — сказаў Сурыкаў.

Таксама дыпламат распавёў пра "еўразійскі парадак дня" на маючай адбыцца сустрэчы прэзідэнтаў Расіі і Беларусі і выказаў сваё меркаванне з нагоды ўзаемадзеяння "еўразійскага праекта" з далейшым будаўніцтвам Саюзнай дзяржавы.

Уладзімір Пуцін і Аляксандр Лукашэнка - Sputnik Беларусь
Пяскоў: Пуцін і Лукашэнка абмяркуюць "гаспадарчыя рознагалоссі"

"У галіне эканамічнай, у частцы чатырох свабодаў — перамяшчэння тавараў, паслуг, капіталу і працоўнай сілы, безумоўна, яны ідэнтычныя. І, напэўна, ёсць сэнс распаўсюдзіць на Саюзную дзяржаву тыя пастулаты, якія ўжо прынятыя ў Еўразійскім саюзе, і можа, у Саюзнай дзяржаве, абмяркоўваючы эканамічныя пытанні, усё-такі больш схіляцца да пастулатаў ЕАЭС і прытрымлівацца рашэнняў еўразійскай эканамічнай камісіі як наднацыянальнага органа. Але ёсць жа іншыя аспекты, вызначаныя дагаворам аб стварэнні Саюзнай дзяржавы, гэта ваенна-тэхнічнае і абароннае, знешнепалітычнае, супрацоўніцтва ў сацыяльных сферах, гуманітарнае ў роўнасці правоў грамадзян. Гэта нікуды не дзенеш, і ў гэтай частцы Саюзная дзяржава застаецца незаменнай", — адзначыў Сурыкаў.

У ходзе гутаркі дыпламат таксама выказаў занепакоенасць, звязанае з пэўнай ваеннай актыўнасцю ў выглядзе вучэнняў у прыгранічных Беларусі краінах НАТА і пракаментаваў тое, як у Расіі ўспрымаюць актывізацыю дыялогу Беларусі з прадстаўнікамі краін Еўрасаюза.

"Усё, што тычыцца дзеяньняў Захаду на ўкраінскім флангу, на беларускім, гэта ўсе дзеянні антырасійскія. І мы разумеем, што наступныя намаганні будуць накіраваны на Беларусь, і яны ўжо накіраваныя. Вы бачыце, як сюды зачасцілі дэлегацыі розныя. Мы да гэтага прыглядаемся, але разумеем, што на сённяшні дзень Захад не ў стане адарваць Беларусь ад Расіі. Ды і Беларусь не гатовая кінуцца ў абдымкі Захаду, разарваўшы ўсе эканамічныя сувязі. Ёсць прыклад Украіны, ёсць прыклад Малдовы. Але пэўную занепакоенасць гэта выклікае, і мы на гэтым напрамку працуем", — расказаў дыпламат.

Поўную версію эксклюзіўнага інтэрв'ю пасла Расійскай Федэрацыі ў Беларусі Аляксандра Сурыкава слухайце на радыё Sputnik Беларусь.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі