МІНСК, 3 кра — Sputnik. Прэзідэнт РФ Уладзімір Пуцін мае намер абмеркаваць са сваім беларускім калегам Аляксандрам Лукашэнкам нявырашаныя пытанні ў двухбаковых адносінах і меры, якія неабходна распачаць для развіцця сувязяў дзвюх краін.
На сустрэчы ў Санкт-Пецярбургу расійскі лідар адзначыў, што сёлета адзначаецца 25-годдзе ўсталявання дыпламатычных стасункаў паміж дзвюма краінамі.
"І ў нас ёсць сёння магчымасць пагаварыць аб тым, што зроблена за ўсе гэтыя гады ў плане пашырэння двухбаковага супрацоўніцтва, што трэба зрабіць, дзе ў нас ёсць яшчэ нявырашаныя нейкія праблемы", — сказаў Пуцін.
Расійскі лідэр падзякаваў Лукашэнку за тое, што той прыняў запрашэнне прыехаць у Санкт-Пецярбург, і дадаў, што вельмі рады яго бачыць.
Прэзідэнт Беларусі са свайго боку дадаў, што ўсе праблемы на фоне выбухаў у метро Санкт-Пецярбурга цьмянеюць.
"Ведаеце, на фоне такіх падзей (як выбухі ў метро — Sputnik) гэтыя праблемы проста цьмянеюць. Мы здольныя вырашаць такія праблемы хутка і эфектыўна, дай Бог, каб было ціха, спакойна, каб мы маглі і далей забяспечваць нашу бяспеку і бяспеку нашых народаў", — сказаў Лукашэнка.
Лукашэнка падкрэсліў, што Мінск і Масква здольныя хутка і эфектыўна вырашаць праблемы ў двухбаковых стасунках.
Пры гэтым прэзідэнт Беларусі заўважыў, што праблемы ў стасунках "будуць заўсёды".