"Татальная дыктоўка", фестываль у Верхнім горадзе, распродажы, вечарынкі і спектакль — красавік не спыняе нас радаваць мноствам падзей.
Гэтыя выхадныя ў Мінску будуць не вельмі цёплымі, затое абыдзецца без дажджоў і снегу. Апранайце свае паліто, не забывайце ўсміхнуцца — і праводзьце добры ўікэнд разам з падзеямі з рэгулярнай афішы Sputnik.
"Татальная дыктоўка"
Адпачынак — гэта не толькі валяцца на канапе ці сядзець у кінатэатры, але і ладзіць зарадку для свайго розуму. Лепшае рашэнне ў дадзеным выпадку — паўдзельнічаць у "Татальнай дыктоўцы". Спадзяемся, вы ўжо паспелі на яе запісацца, бо месца адляталі літаральна як гарачыя піражкі.
Дыктоўка — яшчэ і спосаб быць бліжэй да свету. Так, у 2016 годзе акцыя прайшла ў 734 гарадах ў 69 краінах свету, яе ўдзельнікамі сталі больш за 146 тысяч чалавек. Лічбы гэтага года напэўна будуць больш уражваючымі.
Фэст у гонар легендарнага мэра
Ужо некалькі гадоў вясной і летам у Верхнім горадзе праходзяць фестывалі. Сезон-2017 адкрыюць ужо ў бліжэйшую суботу мерапрыемствам пад назвай Karol Jan, якое прысвечана легендарнаму сталічнаму граданачальніку Караля Яну Чапскаму.
Пройдзе фестываль з 15:00 і да самага вечара — граць будуць і легендарныя песні "Песняроў", і музыку на цымбалах, і тэхна. Спецыяльным госцем фестывалю выступіць гурт Akute.
Вечарына "Маладосць"
У сталічным бары "Хуліган" вечарам у суботу будзе граць маскоўскі госць — былы музычны рэдактар часопіса "Афіша" Тагір Вагапаў. На вечарынкі з яго музыкай ходзяць і ў Екацярынбургу, і ў Лондане — і ўсё застаюцца задаволенымі.
Абяцаюць тут і рэзідэнта берлінскіх клубаў Raketka, а таксама барысаўскага музыканта bud|zko.
Пачнецца вечарынка 8 красавіка ў 23:00, уваход бясплатны, але строга для тых, хто старэйшыя за 21 год.
Гараж-сэйл #3
На чарговай барахолцы сканцэнтруюцца на жаночай і дзіцячай вопратцы — прынесці іх сюды можа кожны, каб абмяняць ці прадаць па бросавым кошце. Сярэдні кошт рэчаў тут каля 30 рублёў.
Увайсці на гараж-сэйл 9 красавіка можна бясплатна, ён пройдзе ў "сямейным дворыку" па адрасе праспект Пераможцаў, 27. Пачатак — 11:30.
Спектакль "Гэта ўсё яна"
Сучасная пастаноўка пройдзе вечарам у Рэспубліканскім тэатры беларускай драматургіі. Аўтар — Андрэй Іваноў, а ў цэнтры спектакля "Гэта ўсё яна" — стасункі, якія ў апошнія гады адбываюцца практычна цалкам у сацыяльных сетках.
Спектакль прадставілі яшчэ мінулай восенню, і тады ён сабраў выключна станоўчыя водгукі гледачоў і крытыкаў. Пачнецца спектакль у 19:00, кошт квітка — 11 рублёў. Уваход таксама дазволены толькі паўналетнім.
