МІНСК, 11 кра — Sputnik. Тарыфы на інтэрнэт-паслугі ў Беларусі сёлета павышаць не плануецца, заявіў журналістам у аўторак гендырэктар РУП "Белтэлекама" Сяргей Сівадзедаў.
"Белтэлекам" — беларускі манапаліст у галіне прадастаўлення паслуг інтэрнэт-сувязі. Кампанія "закупляе інтэрнэт" для беларускіх карыстальнікаў і не толькі сама падае інтэрнэт-паслугі, але і працуе з іншымі аператарамі для прадастаўлення карыстальнікам доступу ў сетку.
"Да канца года павышэння чакаць не варта. Я думаю, не толькі ў нас, але і ў мабільных аператараў", — сказаў гендырэктар "Белтэлекама" ў прэс-цэнтры БелТА.
На сённяшні дзень "Белтэлекам" заключае пагадненні з замежнымі партнёрамі тэрмінам на год — у сувязі з гэтым фіксіраванымі застаюцца і выдаткі кампаніі. Незалежна ад таго, "дабіраюць" беларусы ўвесь прапанаваны ў краіне трафік ці не.
