МІНСК, 13 кра — Sputnik. Халаднаватае і дажджлівае надвор'е чакаецца на Беларусі ў чацвер 13 красавіка, максімальная тэмпература паветра складзе +13°С, паведамілі Sputnik у Гідрамеце.
Раней сіноптыкі распавядалі, што з прыходам на тэрыторыю рэспублікі паветраных мас са Скандынавіі надвор'е пагоршыцца — сыра і холадна будзе да Вялікадня, які ў бягучым годзе адзначаецца 16 красавіка.
"Будзе воблачна з праясненнямі, паўсюдна пройдуць дажджы. Вецер — паўночна-заходні ўмераны, па поўдні Беларусі — парывісты", — сказалі ў Гідрамеце.
Там таксама паведамілі, што максімальная тэмпература паветра днём будзе знаходзіцца ў межах ад +7°С да +13°С. У Мінску, паводле інфармацыі Гідрамета, днём таксама пройдзе дождж, паветра прагрэецца толькі да +11°С.
