У Гродне абралі праект помніка Давыду Гарадзенскаму

© SputnikУ Гродне абралі праект помніка Давыду Гарадзенскаму
У Гродне абралі праект помніка Давыду Гарадзенскаму - Sputnik Беларусь
Падпісацца на
НовостиTelegram
Давыд Гарадзенскі жыў на мяжы XIII і XIV стагоддзяў. Ён праславіўся як князь ВКЛ і палкаводзец, які не прайграў ніводнай бітвы.

МІНСК 14 кра — Sputnik. У Гродне абралі эскіз праекта помніка Давыду Гарадзенскаму, які быў кашталянам гарадзенскага замка і ваенным дзеячам ВКЛ. Як паведамляе сайт Гродзенскага гарвыканкама, у конкурсе перамог мінчанін Сяргей Аганаў.

Па ўмовах конкурсу, усе працы павінны быць вытрыманыя ў лепшых традыцыях класічнага і нацыянальнага манументальнага мастацтва.

Фэст у гонар святога Казіміра Казюкі ў Гродне - Sputnik Беларусь
Расійскі блогер: Гродна мог бы быць як Піцер ці Львоў

"У эскізе павінна быць прадстаўлена роставая скульптура, павінен быць мастацкі вобраз Давыда Гарадзенскага. Зыходзячы з таго, што не засталося ні партрэтаў, ні апісанняў князя Давыда Гарадзенскага, то зразумела, што помнік павінен увасабляць нейкі вобраз вайна, князя той эпохі, абаронцы", — распавяла начальнік аддзела ўпраўлення архітэктуры і горадабудаўніцтва Вольга Барэйка.

Конкурсныя матэрыялы разглядаліся адмыслова створанай камісіяй. Імёны аўтараў невядомыя, а працы ўдзельнікаў конкурсу зашыфраваныя пад адмысловым чатырохзначным нумарам. Галасаванне прайшло ў адкрытай форме, толькі пасля выбару лепшага эскіза, члены камісіі ўскрылі канверты.

Усяго на конкурс было прадстаўлена 13 работ. Пераможцу выбірала камісія ў складзе 17 чалавек.

Пераможцай быў прызнаны праект Сяргея Аганава з Мінска. Пасля ўзгаднення з заказчыкам — Гродзенскай епархіяй, дапрацоўкі эскіза і зацвярджэння ў Мінску, аўтар прыступіць да вырабу помніка. Размесціцца ён на скрыжаванні вуліц Замкавай і Давіда Гарадзенскага.

Стужка навiн
0