МІНСК, 24 кра — Sputnik. Адкрыццё мотасезона-2017 — H.O.G. Spring Challenge, якое пройдзе ў Мінску 30 красавіка, збярэ байкераў з дзесяці краін свету, паведамілі Sputnik арганізатары мерапрыемства.
У рамках адкрыцця новага мотасезона калона байкераў праедзе ад Кургана Славы да пляцоўкі за Домам футбола. Як адзначылі арганізатары, мерапрыемства ў гэтым годзе наведае чэмпіёнка свету па кантры-кросе і віцэ чэмпіёнка ралі-рэйду "Дакар", расіянка Анастасія Ніфантава.
Арганізатары мерапрыемства падрыхтавалі для ўдзельнікаў і гасцей шырокую забаўляльную праграму. У прыватнасці, можна будзе ўбачыць шоу сусветных зорак Freestyle з лятучымі матацыкламі, а таксама паказальныя трукі на легендарных "Харлеях". Таксама байкеры паспаборнічаюць у тэатралізаванай спартыўнай эстафеце.
У праграме таксама запланаваны выступленні зорак беларускай эстрады. Хэдлайнер мерапрыемствы — гурт J:МОРС.
Мерапрыемства арганізавана клубам H.O.G. Iron Birds пры падтрымцы Harley-Davidson Расія і СНД, Мінгарвыканкама, УДАІ МУС Беларусі і накіравана на ўмацаванне сяброўскіх адносін паміж краінамі і развіццё турызму.
У Беларусі зарэгістравана больш за 400 тысяч адзінак мотатранспарта, а ў сталіцы сканцэнтравана амаль 13 тысяч матацыклаў.
