МІНСК, 26 кра — Sputnik. Графік пераносу выходных і працоўных дзён на май 2017 года ў Беларусі выклікае вялікую цікавасць у грамадзян краіны — многія спрабуюць знайсці актуальную інфармацыю ў інтэрнэце.
Графік выхадных і працоўных дзён на 2017-ы быў зацверджаны Саўмінам яшчэ ў канцы снежня мінулага года, аднак з-за красавіцкіх і майскіх святаў для многіх зноў стала актуальным пытанне пра тое, як мы будзем адпачываць у надыходзячым месяцы.
Так, 1 мая ў Беларусі будзе дзяржаўны выхадны — Дзень працы. Аднак працоўны тыдзень апынецца даўжэй звычайнага: рабочым днём аб'яўлена і субота, 6 мая, на якую перанеслі панядзелак — 8 мая.
У сваю чаргу, 7, 8 і 9 мая (Дзень Перамогі) будуць выхаднымі — тры дні запар. Больш пераносаў і свят у маі не плануецца, як і на бліжэйшыя некалькі месяцаў.
Глядзіце актуальную інфаграфіку Sputnik са святочнымі і працоўнымі днямі ў Беларусі ў гэтым годзе>>
