МІНСК, 26 кра — Sputnik. Студэнтка БДУ ўвайшла ў пяцёрку лепшых выканаўцаў на Міжнародным песенным конкурсе "Youthvision" у Азербайджане, паведамілі Sputnik у прэс-службе Белдзяржуніверсітэта.
"Другакурсніца Інстытута журналістыкі БДУ Лідзія Заблоцкая заняла чацвёртае месца, прадставіўшы кампазіцыю "The House Of The Rising Sun" гурта The Animals. Яе выступленне было ацэнена ў 83 балы. Такую ж ацэнку атрымалі артысты з Азербайджана і Славакіі. Такім чынам тры краіны падзялілі чацвёртую пазіцыю", — распавялі ў БДУ.
Першае месца ў гэтым годзе заваявала Мары Акобія з Грузіі, набраўшы 109 балаў. "Сярэбраным" прызёрам стаў Нур Чалпон з Кыргызстана. На яго рахунку 100 ачкоў. Трэцяй з сумай балаў 97 стала Ірына Драгу з Малдовы.
Усяго ў конкурсе "Youthvision" прынялі ўдзел 19 краін, сярод іх: Беларусь, Вялікабрытанія, Італія, Фінляндыя, Ізраіль, Славакія, Польшча, Венгрыя, Іран, Малдова, Сербія, Кыргызстан, Расія, Таджыкістан, Украіна, Казахстан, Узбекістан, Грузія, Азербайджан. Як паведамілі ў вядучай ВНУ краіны, "у склад журы ўвайшлі прадстаўнікі названых краін. Ад Беларусі ацэньваў артыстаў намеснік начальніка ўпраўлення выхаваўчай работы з моладдзю БДУ Рыгор Пасрэднік".
У мінулым годзе студэнт філалагічнага факультэта БДУ Улад Чыжыкаў стаў "срэбным" прызёрам Міжнароднага песеннага конкурсу "Youthvision".
