МІНСК, 27 кра — Sputnik. Выдавецтва "Янушкевіч" рыхтуе да выхаду беларускае выданне аповесці "Гімназія №13", якую напісалі нашы землякі Андрэй Жвалеўскі і Яўгенія Пастэрнак.
Як распавялі ў выдавецтве, кніга перакладзена на беларускую мову вядомай пісьменніцай Раісай Баравіковай.
Згодна сюжэту аповесці, некалькі гімназістаў трапляюць у вельмі незвычайную сітуацыю. Іх гімназія зачараваная — час тут спыніўся, а дапамогі і паратунку чакаць няма адкуль. Прыходзіцца добра паламаць галаву, каб вярнуцца ў нармальны свет, да звыклых рэчаў. Падлеткам з 7-га класа трэба наладзіць стасункі з дамавымі (тут яны называюцца "кабінетнымі"), угаварыць ката Ваську даць неабходныя інструкцыі як дзейнічаць, збіраць нязвыклыя артэфакты, але самае галоўнае — вырашыць тысячагадовую спрэчку Белых і Чорных язычніцкіх багоў.
"Неверагодныя падзеі адбываюцца ў Мінску, у рэальнай гімназіі №13. А сам твор прасякнуты беларускім фальклорам, гэта самы сапраўдны шляхаводнік па нашай старажытнай міфалогіі", — падкрэсліваюць кнігавыдаўцы.
Зараз на краўдфандынгавай платформе абвешчаны збор сродкаў на фінансаванне праекта па выданню аповесці "Гімназія №13". Падрабязна азнаёміцца з гісторыяй праекта і падтрымаць яго можна тут.
