Як адрозніць каханне ад залежнасці, як пераадолець стан, калі прыхільнасць да чалавека ператвараецца ў цяжкі груз для абодвух, калі жыццё ператвараецца ў суцэльную пакуту з-за непераадольнага жадання быць побач, ні на секунду не адпускаючы аб'ект любові з зоны ўзаемнай прысутнасці? Вядучыя радыё Sputnik Беларусь Аляксандр Крывашэеў і Вячаслаў Шарапаў разам з псіхолагам-трэнерам міжнароднага класа Ліліяй Ахрэмчык паспрабавалі разабрацца ў падобных сітуацыях, абапіраючыся на практычны вопыт работы псіхолага.
"Быць каханымі — гэта наша асноўная патрэбнасць, праблемы пачынаюцца потым, калі пачуццё кахання трансфармуецца ў нейкія балючыя формы. Менавіта ў гэты час людзі пачынаюць звяртацца да псіхолагаў. Магчыма з'яўленне эмацыйнай залежнасці ад чалавека, здаецца, што жыцця без яго няма, усе цмянее, згасае, увогуле каханне ператвараецца ў хваравіты стан. Гэта перашкаджае жыць, так як у галаве ўвесь час адно і тое ж — ён ці яна. Гэта такая ж залежнасць, як ад спіртнога або тытуню, механізм адзін і той жа", — лічыць псіхолаг.
Выйсці з гэтага стану можна пры дапамозе спецыяліста, які растлумачыць, як зняць гэтую праграму. Ёсць галоўнае адрозненне кахання ад залежнасці — каханне дапамагае тварыць! Прычым людзі ўзаемна сілкуюцца адзін ад аднаго стваральнай энергіяй.
Цікавыя падрабязнасці ў радыёверсіі гутаркі з псіхолагам Ліліяй Ахрэмчык на радыё Sputnik Беларусь.
