МІНСК, 2 мая — Sputnik. Рэгістрацыя для ўдзелу ў цэнтралізаваным тэставанні (ЦТ) пачалася ў Беларусі з аўторка 2 мая, паведамілі Sputnik у Міністэрстве адукацыі рэспублікі.
Здача ЦТ — неабходны этап уступнай кампаніі ў ВНУ для большасці абітурыентаў. Ад тэставання вызваленыя толькі алімпіяднікі, выпускнікі педагагічных класаў пры паступленні на педагагічныя спецыяльнасці і некаторыя іншыя катэгорыі абітурыентаў.
Рэгістрацыя на цэнтралізаванае тэставанне працягнецца да канца месяца. Здача аднаго прадмета ў рамках ЦТ будзе каштаваць у гэтым годзе 2,3 рубля.
Абітурыенты могуць здаваць да чатырох выпрабаванняў на цэнтралізаваным тэставанні, з іх абавязковы тэст па адной з дзяржаўных моў. Іншыя прадметы абітурыенты могуць выбіраць самастойна.
Першае ЦТ пройдзе ўжо 12 чэрвеня — па беларускай мове. Выдача сертыфікатаў цэнтралізаванага тэставання пачнецца 13 ліпеня, пасля чаго стартуе падача дакументаў у беларускія ВНУ.
