МІНСК, 5 мая — Sputnik. Архіўныя зводкі навін Саўінфармбюро пачне публікаваць Sputnik Беларусь напярэдадні 72-й гадавіны перамогі ў Вялікай Айчыннай вайне.
Саўінфармбюро было створана 24 чэрвеня 1941 года як орган, закліканы праводзіць прапагандысцкую, тлумачальную працу ў СССР і іншых краінах, супрацьстаячых фашызму. Яно, у прыватнасці, інфармавала грамадскасць замежных краін аб падзеях, якія адбываюцца на савецка-германскім фронце, і аб працы савецкага тылу.
Кожны дзень вайны Саўінфармбюро паведамляла апошнія навіны аб тым, што адбываецца на фронце — ад нападу Германіі на СССР 22 чэрвеня 1941-га і да 15 мая 1945-га, калі завяршыўся прыём нямецкіх палонных на ўсіх франтах.
Sputnik будзе публікаваць аўдыёзапісы зводак Саўінфармбюро аб апошніх днях Вялікай Айчыннай вайны, пачынаючы з пятніцы 5 мая. Дзякуючы архіўным зводкам вы зможаце пачуць легендарны голас Левітана і даведацца больш аб тым, як набліжалася Перамога.
Саўінфармбюро — прадвеснік найбуйнейшых міжнародных навінавых агенцтваў, такіх як Агенцтва друку "Навіны", РІА "Новости" і МІА "Россия сегодня".
