МІНСК, 25 мая — Sputnik. Традыцыйны Прабег міра пройдзе ў Гродне 28 мая, паведамілі ў прэс-службе Гродзенскага аблвыканкама.
"У гэтым годзе аматары бегу ва ўзроставых групах маладзей за 18 і старэй за 75 гадоў прабягуць 5 і 10 км па цэнтральных вуліцах Гродна", — распавялі ў аблвыканкаме.
Да назвы XX Рэспубліканскіх лёгкаатлетычных спаборніцтваў "Прабег міра" дадаецца прыстаўка "Гарадзенская вандроўка", якая афіцыйна ўказвае на іх прыналежнасць да рэгіёну і своеасаблівае падарожжа.
Прабег міра стартуе 28 мая ў 11:00 на вуліцы Ажэшкі каля будынка Гродзенскага абласнога выканаўчага камітэта.
Маршрут спабортніцтваў пройдзе гэтым разам па вуліцах Ажэшкі — Савецкай — Кастрычніцкай — Карла Маркса — Будзёнага — Свярдлова — Сацыялістычнай — Парыжскай Камуны — Давіда Гарадзенскага — Вялікай Траецкай — Віленскай — Максіма Горкага — Дубко — Дзяржынскага — Астроўскага — Максіма Горкага — Дзяржынскага — Ажэшкі.
У аблвыканкаме папярэджваюць, што падчас прабегу на вышэйзгаданых вуліцах будзе прыпыняцца рух грамадскага і асабістага транспарту.
