МІНСК, 26 мая — Sputnik. Беларусы Мікалай Лаўранюк і Сяргей Каласоўскі прадставілі на Канскім кінафестывалі сцэнар фільма "Саламонава гара". Сцэнар атрымаў спецыяльны прыз канскага журы, паведамлялі ў афіцыйным запісе Канскага кінафестывалю ў "Facebook".
"Журы было зачаравана свежасцю і арыгінальнасцю аповяду ў гэтай мудрагелістай драме", — адзначылі на фестывалі.
У сцэнары ідзе гаворка пра пытанні веры, сям'і, выжывання і дружбы, "але галоўным чынам гаворка ідзе пра тое, як двое вельмі розных людзей могуць знайсці сувязь, якая дае ім сілу і вызваляе іх абодвух".
У конкурсе прымалі ўдзел 11 сцэнарыяў з краін Цэнтральнай і Усходняй Еўропы. Сцэнар быў створаны па матывах твора "Падобны на Стынга", які напісала драматург Ірына Пісьменная.
