Упершыню з 2008 года Лявон Вольскі, Павел Трыпуць, Павел Аракелян, Павел Якубчык, Алесь-Францішак Мышкевіч, Павел Мамонаў — склад групы "Крамбабуля" — выйшлі на сцэну Мінска. Фанаты былі ў захапленні і за пару дзён раскупілі ўсе білеты — танцпол быў поўны людзей усіх узростаў.
Лявон Вольскі запрасіў на сцэну ў "Сябрах" выступіць разам з гуртом "Крамбамбуля" Аляксандра Кулінковіча, які прымаў удзел у запісе першых кампазіцый гурта. Публіка ўспрыняла такі сюрпрыз на ўра.
Канцэртная праграма "Крамбамбулі" — "Піраты Камсамольскага возера" ўключала любімыя ўсімі песні: "Абсэнт", "Старыя хіпаны", "Турысты", "Каб мы калі каму чаго", "Чырвоны Штраль", "Безалкагольнае пiва" і іншыя.
