МІНСК, 13 чэр — Sputnik. Улады літоўскай сталіцы ўсталююць 90 домікаў для бяздомных катоў на месцах для іх кармлення, паведамляе Sputnik Літва.
Драўляныя домікі абароняць катоў ад дажджу і марозу. Акрамя таго, кампанія, якая іх установіць, таксама будзе за імі прыглядаць і рамантаваць.
Парадку 90 хатак будуць устаноўлены на працягу трох гадоў — па 30 хатак у год. Іх паставяць на месцах для кармлення котак. На ўстаноўку каціных кватэрак плануецца выдзяляць па 10 тысяч еўра ў год.
Зараз у Вільнюсе ўстаноўлена 208 месцаў для кармлення бяздомных котак. Больш за ўсё такіх месцаў вызначана ў спальных раёнах Фабіёнішкес і Шэшкіне.
Яны знаходзяцца ўдалечыні ад дзіцячых гульнявых пляцовак, лячэбных устаноў і шматкватэрных дамоў. Жыхары Вільнюса могуць і самі звярнуцца ў самакіраванне, напісаўшы заяўку з адрасам, дзе на іх думку трэба ўстанавіць пляцоўку для кармлення бяздомных катоў.
Месцы кармлення і крытыя хаткі для котак дапамогуць пазбавіцца ад кардонных скрынак і анцісанітарыі. Гэтыя меры таксама дапамогуць кантраляваць папуляцыю бяздомных котак.
