МІНСК, 25 чэр — Sputnik. Расія заняла трэцяе месца ў рэйтынгу "самых паспяховых гаспадынь" Кубка канфедэрацый, паведамляе радыё Business FM.
Восьмы па ліку футбольны турнір паміж нацыянальнымі зборнымі, які праводзіцца пад эгідай ФІФА, стартаваў у Расіі 17 чэрвеня. Чатыры гарады — Масква, Санкт-Пецярбург, Казань і Сочы — прымаюць матч КК.
У Расію прыехалі сем лепшых зборных сваіх кантынентаў: Германія, Аўстралія, Чылі, Мексіка, Новая Зеландыя, Партугалія і Камерун. Таксама ў турніры прымала ўдзел зборная Расіі як гаспадыня футбольнага першынства.
Паводле інфармацыі СМІ, у сярэднім кожны матч Кубка наведваюць 36 тысяч чалавек, гэта значыць арэны запоўненыя на 80%. Гэта лічба была вышэй толькі на двух аналагічных спаборніцтвах — у Бразіліі чатыры гады таму (на адзін працэнт вышэй) і ў Германіі ў 2005 годзе.
Нагадаем, на турніры ўжо прайшлі дзесяць матчаў і вызначыліся першыя паўфіналісты. Так, у 1/2 Кубка выйшлі зборныя Мексікі і Партугаліі. Яшчэ пара паўфіналістаў вызначыцца ў нядзелю ў матчах паміж Германіяй і Камерунам, Чылі і Аўстраліяй.
Матчы 1/2 адбудуцца 28 чэрвеня ў Сочы і 29 чэрвеня ў Казані. Фінал прыме Санкт-Пецярбург 2 ліпеня, у гэты ж дзень у Маскве пройдзе паядынак за бронзу.
