МІНСК, 5 ліп — Sputnik. Клубнічны рынак у вёсцы Дварэц Лунінецкага раёна, адпрацаваўшы сезон, ператворыцца 8 ліпеня ў канцэртную пляцоўку і прыме папулярных артыстаў, паведамілі арганізатары.
Гэта не адзінае мерапрыемства ў раёне, прысвечанае клубніцам. Не так даўно ўсе жадаючыя маглі наведаць тэматычны фестываль "Лунінецкія клубніцы", які таксама праходзіў у ягаднай сталіцы — вёсцы Дварэц.
Сёлетні "Клубнічны фэст" пакуль толькі другі. Але ўжо прэтэндуе на тое, каб стаць візітнай карткай Палесся.
На фестывалі запланаваны выступы запрошаных артыстаў: DС/ВY, PLUM BUM, "Дай Дарогу", DJ Trojan.
Выступы артыстаў пачнуцца ў 19:00. Уваход на мерапрыемства вольны.
