МІНСК, 5 ліп — Sputnik. Фестываль гістарычнай рэканструкцыі "Наш Грунвальд" і яго музычны працяг — фестываль "Пір пасля бітвы" пройдуць у музейным комплексе "Дудуткі" 22-23 ліпеня.
Спіс удзельнікаў і кошт квіткоў стаў вядомы толькі за два с паловай тыдні да фестывалю, у сераду 5 ліпеня. Арганізатары цягнулі з абвяшчэннем лайн-апа праз замінкі ў атрыманні гастрольнага пасведчання.
"Мы не размяшчалі інфармацыю пра ўдзельнікаў, паколькі не мелі да сёняшняга дня на руках гастрольнага пасведчання", — распавялі карэспандэнту Sputnik арганізатары фестывалю.
У другой палове дня ў сераду сталі вядомыя гурты, якія будуць прымаць удзел на фестывалі "Пір пасля бітвы" 22 ліпеня:
- Catharsis (Расія);
- "Земля легенд" (Расія);
- Folcore (Беларусь);
- Gods Tower (Беларусь);
- "Стары Ольса" (Беларусь);
- "Кукрыниксы" (Расія);
- Folcore (Беларусь);
- Кацярына Ваданосава (Беларусь).
Таксама сёння стаў вядомы і кошт уваходных квіткоў на фестываль:
- 22 ліпеня — 24 рублі (дарослы), 10 рублёў (дзіцячы);
- 23 ліпеня — 18 рублёў (дарослы), 8 рублёў (дзіцячы);
- На два дні — 35 рублёў (дарослы), 15 рублёў (дзіцячы).
Фестываль "Наш Грунвальд" прымеркаваны да падзей 1410 года і пройдзе 22-23 ліпеня ў музейным комплексе "Дудуткі" ў 9 раз. Традыцыйна фестываль будзе складацца з гістарычнай і музычнай частак — гледачы ўбачаць гістарычную рэканструкцыю Грундвальдскай бітвы і выступленні рок- і фолк-гуртоў Беларусі і бліжэйшага замежжа.
Для гасцей таксама будзе працаваць горад майстроў і інтэрактыўныя пляцоўкі.
