МІНСК, 13 ліп — Sputnik. Беларускія карыстальнікі сацыяльных сетак абмяркоўваюць фота стравы з салёнага селядца, якая прадаецца ў адным з прывакзальных кафэ ў Магілёве з "рэстараннай выкладкай" на блюдзе.
Фатаграфію зрабіў адзін з карыстальнікаў сацсеткі Facebook і выклаў у сваім акаўнце, пазней фота патрапіла ў некалькі тэматычных груп, дзе яго актыўна абмяркоўваюць.
"З адной талеркі можна сем разоў закусіць, з другой — восем", — адзначылі інтэрнэт-карыстальнікі.
Пры гэтым каментатары сыходзяцца ў меркаванні, што выкладка такой непатрабавальнай закускі сапраўды крэатыўная, і пры гэтым страва зусім нядорага каштуе — усяго 1 рубель 20 капеек. "І з цыбулькай, і з пятрушкай, а яны яшчэ і незадаволеныя", — сказаў на заканчэнне адзін з карыстальнікаў.
Жартам карыстальнікі ўжо прапанавалі вылучыць кафэ на ўключэнне ў так званы Чырвоны гід Мішлен.
