МІНСК, 25 ліп — Sputnik. Беларускія вышэйшыя навучальныя ўстановы будуць прымаць дакументы на застаўшыяся вакантнымі месцы бюджэтнай формы пасля дадатковага набору з 30 ліпеня, паведамілі Sputnik у Мінадукацыі рэспублікі.
Залічэнне студэнтаў-першакурснікаў на бюджэтную форму атрымання вышэйшай адукацыі працягваецца ў Беларусі. У той жа час у некалькіх універсітэтах засталося крыху вакантных месцаў — на іх абвешчаны дадатковы набор.
Як паведамілі Sputnik у Мінадукацыі, у Магілёўскім дзяржуніверсітэце імя Куляшова засталося шэсць вакантных месцаў на спецыяльнасць "Фізіка і інфарматыка" з дзённай формай атрымання адукацыі, адно месца — на бясплатную "завочку" па спецыяльнасці "Гісторыя і грамадазнаўчыя дысцыпліны".
У Полацкім дзяржаўным універсітэце засталіся тры бюджэтныя месцы на завочнае навучанне па спецыяльнасцях "Аўтасэрвіс", "Эканоміка і кіраванне на прадпрыемстве" і "Сацыяльныя камунікацыі". У Беларускім дзяржаўным універсітэце транспарту ёсць пяць вакантных месцаў на бюджэтную завочную форму — тры на "арганізацыю перавозак і кіраванне на чыгуначным транспарце" і "прамысловае і грамадзянскае будаўніцтва".
Беларускі дзяржаўны універсітэт фізічнай культуры абвесціць дадатковы набор на адно месца на вочнае аддзяленне па спецыяльнасці "спартыўна-педагагічная дзейнасць (трэнерская праца па парусным спорце)" і сем — на шэраг завочных спецыяльнасцяў.
У Мінадукацыі дадалі, што прыём дакументаў для ўдзелу ў конкурсе на атрыманне вышэйшай адукацыі са сродкаў бюджэту на месцы, што засталіся вакантнымі пасля залічэння ў рамках дадатковага набору, будзе ажыццяўляцца з 30 ліпеня па 1 жніўня. Само ж залічэнне адбудзецца 3 жніўня.
Для параўнання, у 2016-м у рамках дадатковага набору заставаліся незанятымі значна больш месцаў у беларускіх вышэйшых навучальных установах — заставаліся вольныя месцы у тым ліку ў БДУ, ВДТУ і іншых ВНУ.
