МІНСК, 26 ліп — Sputnik. Амерыканскі астранаўт Джэк Фішэр зняў маляўнічае відэа палярнага ззяння з Міжнароднай касмічнай станцыі.
Бортінжынер Міжнароднай касмічнай станцыі Джэк Фішэр, які з красавіка знаходзіцца ў космасе, зняў таймлапс палярнага ззяння. Відэазапіс астранаўт размясціў ва ўласным Twitter.
У хвілінным відэа адлюстраваны зялёныя пераліванні над паверхняй Зямлі. Запіс быў зроблены ў 400 кіламетрах над паверхняй планеты на хуткасці 28 тысяч кіламетраў у гадзіну.
Відэазапіс набраў у Twitter больш за дзевяць тысяч "лайкаў" і амаль чатыры тысячы рэпостаў. У шматлікіх каментарах карыстальнікі дзякуюць Джэку Фішэру за яркія кадры і трохі зайздросцяць яго месцазнаходжанню.
People have asked me what a “burrito of awesomeness smothered in awesome sauce” is… Well folks, it looks like this…awesome sauce is green. pic.twitter.com/rgTgbdb84f
— Jack Fischer (@Astro2fish) 23 июля 2017 г.
Палярнае ззянне — рэдкая з'ява, што ўзнікае, калі зараджаныя часціцы сонечнага ветру прарываюцца ў магнітнае поле Зямлі і сутыкаюцца з малекуламі паветра. Таксама палярнае ззянне называюць aurora borealis у гонар рымскай багіні ранішняй зары.
