Пленэр памяці Бялыніцкага-Бірулі пройдзе ў Расіі і Беларусі

© SputnikПартрэт В.К. Бялыніцкага-Бірулі работы З.Азгура
Партрэт В.К. Бялыніцкага-Бірулі работы З.Азгура - Sputnik Беларусь
Падпісацца
Міжнародны пленэр па жывапісе, прысвечаны 145-годдзю з дня нараджэння выбітнога беларускага мастака Вітольда Бялыніцкага-Бірулі, пачне працу ў сярэдзіне жніўня.

МІНСК, 26 ліп — Sputnik. XXII Міжнародны пленэр па жывапісе "Вобраз Радзімы ў выяўленчым мастацтве", прысвечаны 145-годдзю з дня нараджэння народнага мастака Беларусі і Расіі Вітольда Бялыніцкага-Бірулі, пачне працу ў сярэдзіне жніўня, паведамляе прэс-служба Магілёўскага аблвыканкама.

Мастацтвазнаўца, куратар карпаратыўнай калекцыі Белгазпрамбанка Аляксандр Зіменка - Sputnik Беларусь
Радыё
Юдаль Пэн: гісторыя стваральніка Віцебскай школы жывапісу

Першая частка беларуска-расійскага праекта пройдзе на тэрыторыі Тульскай вобласці. 14 жніўня беларускі састаў мастакоў адправіцца працаваць у дзяржаўны мемарыяльны гісторыка-мастацкі і прыродны музей-запаведнік Васіля Паленава.

"Адкрываць пленэр на расійскай зямлі стала добрай традыцыяй. Праграма знаходжання будзе насычанай. Акрамя працы на тэрыторыі музея-запаведніка, мяркуюцца творчыя паездкі для стварэння твораў і эцюдаў у Ясную Паляну, Тарусу, па наваколлі Меліхава", — распавяла намеснік дырэктара Магілёўскага абласнога мастацкага музея імя П. В. Масленікава Святлана Строгіна.

24 жніўня мастакоў будзе сустракаць Магілёўская вобласць. Да беларускіх майстроў пэндзля далучацца таленавітыя жывапісцы з Расіі, Індыі, Ізраіля, Арменіі, Літвы, Кітая і Украіны.

Мастацтвазнаўца: Марк Шагал ня быў патрэбны Савецкаму Саюзу - Sputnik Беларусь
Мастацтвазнаўца: Марк Шагал не быў патрэбны Савецкаму Саюзу

У Прыдняпроўскім краі да працы прыступяць 22 мастака. Гэта будуць як новыя, так і гучныя імёны ў жывапісе. Сярод апошніх — заслужаны мастак Расіі Аляксей Шалаеў і заслужаны мастак Украіны Яўген Смірноў. Чакаецца, што падчас пленэра яны правядуць майстар-класы для моладзі.

Праграма пленэру ў Магілёўскай вобласці пачнецца з наведвання вёскі Крынкі Бялыніцкага раёна — месца, дзе нарадзіўся Вітольд Бялыніцкі-Біруля.

Завершыцца мерапрыемства 6 верасня адкрыццём выніковай выставы ў абласным мастацкім музеі імя П. В. Масленікава. Сюды ўвойдуць па дзве лепшыя карціны ад кожнага аўтара. У Магілёве выстава будзе працаваць на працягу месяца. Пасля яна пачне падарожжа па вобласці. Чакаецца, што першымі яе змогуць убачыць жыхары Бялыніцкага раёна.

Стужка навiн
0