Інцыдэнт адбыўся ў суботу падчас матчу 16-га тура чэмпіянату краіны. "Крумкачы" сустракаліся з "Віцебскам". На 55-й хвіліне матчу брамнік "крумкачоў" Яўген Касцюкевіч забіў гол, ударыўшы па мячы недалёка ад уласных варот.
Да здзіўлення заўзятараў, ды і, здаецца, усіх гульцоў на полі, мяч прызямліўся роўненька ў браме супернікаў. Галкіпер "Віцебска" Дзмітрый Гушчанка не змог яго спыніць: мяч адскочыў прама перад футбалістам і пераляцеў яго, магчымасці дагнаць мяч у Гушчанкі не было, як ён ні стараўся.
Цікава, што аўтар арыгінальнага гола, брамнік ФК "Крумкачы" Касцюкевіч, на 77-й хвіліне гульні быў выдалены з поля за фол на Іллі Шкурыне. Але на шчасце фанатаў клуба, Антон Шунто, які выйшаў на замену, не прапусціў да канца гульні.
Сустрэча "крумкачоў" з "Віцебскам" завяршылася нічыёй (2:2).
