МІНСК, 3 жні — Sputnik. Школьныя праграмы па ўсіх прадметах зацверджаны ў Беларусі да новага навучальнага года, паведамілі ў прэс-цэнтры Мінадукацыі рэспублікі.
Да навучальнага года 2017/2018 у Беларусі практычна ўсё гатова: выдадзены новыя падручнікі, вядомыя асноўныя рэформы. На пачатку жніўня ўжо зацверджаны і новыя навучальныя праграмы.
"У гэтым годзе мы паставілі кропку ў пытанні абнаўлення зместу навучальных праграм. Цяпер навучальныя праграмы па ўсіх прадметах зацверджаны і размешчаны на нацыянальным адукацыйным партале", — паведаміла намеснік начальніка ўпраўлення агульнай сярэдняй адукацыі Міністэрства адукацыі Ірына Каржова.
Навучальныя праграмы пасля аналізу перагледзелі і ўлічылі сувязі паміж рознымі прадметамі. Частку тэм вынеслі або перанеслі ў іншыя класы.
У Мінадукацыі ўпэўненыя, што новыя навучальныя праграмы дазволяць знізіць нагрузку на школьнікаў. Акрамя нагрузкі на саміх уроках, менш плануюць даваць школьнікам і хатніх заданняў, а многія тэмы перанясуць з тэарэтычнага ў практычнае засваенне.
