У горадзе Голд-Кост на ўсходнім узбярэжжы Аўстраліі ў адным з паркаў адбыўся незвычайны эпізод: сабака адмовіўся пакідаць зялёную зону з гаспадаром і прыкінуўся мёртвым. Сітуацыю з жывёлай зняла наведвальніца парку і выклала відэазапіс на сваёй старонцы ў Facebook.
На кадрах відаць, як сабака пароды залацісты рэтрывер падае на спіну і задзірае лапы дагары. Мінак пры гэтым жартуе, што сабака зламаўся. Затым жывёла сядзіць і ўпіраецца, калі гаспадар спрабуе весці яе за ланцужок. У фінале роліка мужчына адшчэплівае ланцужок, сыходзіць, і толькі затым сабака за ім бяжыць. Ужо пад апладысменты публікі.
Відэазапіс у Facebook пад загалоўкам "Сабака, які сапраўды не хоча сыходзіць" ужо сабраў больш за чвэрць мільёна праглядаў і больш за тысячу каментароў.
Голд-Кост — шосты па насельніцтву горад Аўстраліі, з'яўляецца курортным месцам, цэнтрам воднага турызму. Побач з горадам знаходзіцца Нацыянальны парк "Ламінгтан", уключаны ў спіс Сусветнай прыроднай спадчыны ЮНЕСКА.
