Упершыню ў Еўропе ў супермаркетах Швейцарыі пачалі прадаваць прадукты з насякомых. З пачатку тыдня на прылаўках найбуйнейшай гандлёвай сеткі краіны з'явіліся катлеты і фрыкадэлькі, вырабленыя з сумесі мучных чарвякоў і гародніны. Вытворцы кажуць, што такая ежа — смачная і пажыўная. Акрамя таго, яе вытворчасць не так шкодзіць прыродзе, як вырошчванне сельскагаспадарчых жывёл.
Да гэтага часу мучных чарвякоў выкарыстоўвалі ў якасці корму для птушак, дробных звяркоў, акварыўмных рыб і як прынаду пры рыбалцы. У той жа час для чалавека, які прывык харчавацца ў рэстаранах і дома, такі прадукт можа апынуцца вельмі цікавым, лічыць шэф-повар, кулінарны эксперт Сяргей Сініцын.
"Безумоўна, гэта цікавы прадукт, у якім утрымліваецца вялікая колькасць бялку, з чарвякоў можна рыхтаваць вялікую колькасць страў — хлеб, рагу, супы, жэле і нават тэфтэлі і фрыкадэлькі", — сказаў Сініцын у эфіры радыё Sputnik.
Шэф-повар адзначыў, што сам мог бы з ходу прыгатаваць не менш за 20 страў з мучных чарвякоў так, што чалавек не адрозніць іх ад іншых прадуктаў, калі яму не сказаць пра тое, з чаго тая ці іншая страва прыгатавана.
Акрамя таго, у сітуацыі, калі пытанне выжывання і захавання экалогіі становіцца ўсё больш вострым, падобная ежа можа стаць выдатнай альтэрнатывай мясной прадукцыі, і выдатак прыродных рэсурсаў пры яе вытворчасці будзе значна меншым, адзначыў кулінарны эксперт.
"У чарвяках ўтрымоўваецца вялікая колькасць бялку, і іх неабходна падрыхтоўваць асаблівым чынам, напрыклад, вытрымаць у муке нейкі час, каб яны прапіталіся, потым вытрымаць у вадзе, каб прыбраць усё лішняе. Гэта значыць іх можна правільна гатаваць, каб яны прынеслі карысць арганізму, і каб візуальна гэта не былі брыдкія чарвякі, калі ў чалавека раптам ёсць нейкі страх", — распавёў Сініцын.
Па словах суразмоўцы, прадукты харчавання з мучных чарвякоў і розных казурак паступова будуць набіраць папулярнасць, як бы гэта дзіўна не гучала.
Каментар шэф-повара, кулінарнага эксперта, тэлевядучага Сяргея Сініцына слухайце на радыё Sputnik Беларусь.
