МІНСК, 25 жні — Sputnik. З набліжэннем асенне-зімовага сезону можна чакаць новых апоўзняў на гары Гедыміна, паведамляе Sputnik Літва.
У цяперашні час на гары вядуцца работы, завяршыць якія плануецца ў другой палове наступнага года.
Для аднаўлення схілаў выкарыстоўваецца адмысловы швейцарскі экскаватар-павук, які дапамагае пакласці падставу для грунта, дрэнаж і габіёны на паўночным захадзе горы. Здача праекта плануецца ў верасні.
"Па сутнасці мы абмежаваныя па часе, таму нам неабходна механізаваная дапамога, паколькі ручнымі метадамі мы не паспеем падрыхтавацца да зімы", — патлумачыў выкарыстанне экскаватара намеснік міністра культуры Рэнальдс Аўгусцінавічус.
Паводле яго слоў, з набліжэннем асенне-зімовага сезона пазбегнуць апоўзняў на гары не атрымаецца, аднак сітуацыя будзе пастаянна кантралявацца. Археалагічныя даследаванні, якія павінны былі скончыцца да пачатку восені, з-за ўмоў надвор'я таксама могуць зацягнуцца.
Раней спецыялістамі на схіле пагорка былі ажыццёўлены прафілактычныя мерапрыемствы: гара і прастора паміж сценамі палаца і абарончай сцяной былі зачыненыя воданепранікальнай плёнкай. Спецыяльнае пакрыццё павінна было не прапускаць дажджавую ваду і накіроўваць яе ў муніцыпальную сістэму каналізацыі. Гэтымі мерамі адначасова правяралася і сістэма дрэнажу дажджавой вады.
На дадзены момант для наведванняў адкрыта толькі замкавая вежа і частка назіральнай пляцоўкі гары.
