За пасадкай, якая прайшла ў рамках падрыхтоўкі да сумеснага вучэння ўзброеных сіл Беларусі і Расіі "Захад-2017", назіралі міністр абароны Беларусі і генерал-лейтэнант Андрэй Раўкоў і намеснік міністра абароны Расіі генерал арміі Дзмітрый Булгакаў.
Падрыхтоўчыя вучэнні да вераснёвых манеўраў стартавалі на ваенных палігонах Беларусі на мінулым тыдні. У Беларусь прыбылі расійскія вайскоўцы, тэхніка, самалёты і верталёты.
Ваенныя лётчыкі Беларусі рэгулярна адпрацоўваюць пасадку штурмавікоў і знішчальнікаў. Да прыкладу, у 2016 годзе ўпершыню пасадзілі самалёты-знішчальнікі МіГ-29 і штурмавікі Су-25 на аўтадарогу ў цёмны час сутак.
Сумесныя стратэгічныя вучэнні "Захад-2017" пройдуць з 14 па 20 верасня на шасці ваенных палігонах Беларусі. Па плане, ўдзел у іх возьмуць каля 13 тысяч вайскоўцаў дзвюх краін.
