МІНСК, 28 жні — Sputnik. Маскоўскі хакейны клуб ЦСКА перамог на выездзе ў авертайме мінскую каманду "Дынама" ў рэгулярным чэмпіянаце Кантынентальнай хакейнай лігі.
Гульня, якая прайшла ў сталіцы Беларусі ў нядзелю 27 жніўня, скончылася з лікам 2:1 на карысць масквічоў. Другую шайбу закінуў на 64-й хвіліне армеец Андрэй Светлакоў, у асноўны час за ЦСКА забілі Валерый Нічушкін (55), у "Дынама" — Джасцін Фантэйн (30).
Зараз ЦСКА мае сем ачкоў і займае 2-гі радок у выніковай табліцы Заходняй канферэнцыі. "Дынама" мае адно ачко і размяшчаецца на 12-й пазіцыі.
Наступны матч мінскае "Дынама" правядзе 30 жніўня ў Браціславе — там сталічная каманда сустрэнецца са "Слованам".
