Карнавал-закрыццё беларуска-бразільскага фестывалю ўрбан-арта Vulica Brasil доўжыўся суткі, як абяцалі арганізатары. Свята стартавала апоўдні ў суботу і працягнулася да раніцы нядзелі.
У праграме доўгаграючага закрыцця былі танцы, тэатр, кіно, музыка, пачастункі, мода, спорт і многае іншае. Вуліца Кастрычніцкая на гэтыя суткі стала пешаходнай. На ёй арганізавалі тры сцэны, эка-маркет, мастацкі і рамесны кірмаш, зладзілі творчыя заняткі для дзяцей і спартыўную пляцоўку. Тут можна было назіраць інтэрпрэтацыю графіці ў сучасным танцы і парад барабаншчыкаў міжнароднай батукады Vulica Brasil.
Vulica Brasil прайшоў у Мінску ўжо ў чацвёрты раз. Бразільскія мастакі стваралі для горада і гараджан новыя працы — муралы. Як праходзіла закрыццё яркага фестывалю, глядзіце на відэа Sputnik.
