МІНСК, 4 вер — Sputnik. Ліўні і дажджы пройдуць на гэтым тыдні па ўсёй Беларусі, паведаміў Sputnik у панядзелак начальнік службы метэаралагічных прагнозаў Белгідрамета Мінпрыроды Дзмітрый Рабаў.
Нягледзячы на па-сапраўднаму восеньскае надвор'е, сіноптыкі абяцаюць, што сонечныя і цёплыя дні ў Беларусь яшчэ вернуцца. Аднак на гэтым тыдні па краіне пройдуць дажджы.
Па дадзеных сіноптыкаў, 5 верасня надвор'е будуць вызначаць актыўныя атмасферныя франты ад цыклона, што перамяшчаецца з поўначы Украіны на тэрыторыю Беларусі. "На большай частцы тэрыторыі дажджы, уначы і раніцай у многіх раёнах, удзень месцамі моцныя дажджы", — паведаміў Рабаў.
У асобных раёнах магчымы навальніцы. На аўторак абвешчаны аранжавы ўзровень небяспекі.
Варта рыхтавацца не толькі да дажджоў, але і да пахаладання: ужо ў аўторак удзень будзе толькі +10..+16°C, па поўдні — да +18°C. Прахалода захаваецца і ў наступныя дні.
Ападкі прагназуюцца аж да 8 верасня. Да выхадных сіноптыкі абяцаюць пацяпленне, аднак дажджы, мяркуючы па папярэдніх прагнозах, захаваюцца.
