МІНСК, 19 вер — Sputnik. Колькасць людзей, якія звярнуліся за дапамогай да медыкаў з нагоды ўкусаў кляшчоў сёлета знізілася ў параўнанні з аналагічным перыядам мінулага года, паведамілі Sputnik у аўторак у Рэспубліканскім цэнтры эпідэміялогіі і грамадскага здароўя.
Зараз у Беларусі працягваецца сезон актыўнасці кляшчоў, які скончыцца толькі ў лістападзе.
"За восем месяцаў у рэспубліцы зарэгістравана зніжэнне колькасці зваротаў асоб, пацярпелых ад нападу кляшчоў", — сказалі ў цэнтры.
Там таксама паведамілі, што да медыкаў сёлета з нагоды ўкусаў кляшчоў звярнулася 30,3 тысячы чалавек — гэта на 24,4% менш, чым за аналагічны перыяд 2016 года.
Часцей за ўсё кляшчы кусалі мінчан і жыхароў Гродзенскай вобласці, менш за ўсё пакусаных апынулася ў Гомельскай вобласці.
Пры гэтым эпідэміёлагі канстатавалі зніжэнне захворвання інфекцыямі лайм барэліёз і клешчавы энцэфаліт на 11,1% і 11,3% адпаведна.
