МІНСК, 22 вер — Sputnik. Некаторыя віды цыгарэт з 1 кастрычніка паднімуцца ў кошце, паведамілі ў пятніцу ў прэс-службе Міністэрства па падатках і зборах Беларусі.
Беларускія вытворцы маюць права штомесяц устанаўліваць максімальныя рознічныя цэны на тытунёвыя вырабы.
Так, ужо з 1 кастрычніка стануць даражэй некаторыя маркі цыгарэт вытворчасці кампаніі "Тытунь-інвест". Напрыклад, Monte Carlo Evolution Blue, Monte Carlo Evolution Silver, Monte Carlo Red, Monte Carlo Blue, Monte Carlo Azure і Camel Black паднімуцца ў кошце на пяць капеек.
Акрамя таго, стануць даражэй і цыгарэты маркі Winston, а таксама Sobranie. Іх кошт таксама паднімецца ўсяго на пяць капеек.
Штомесячнае ўзняцце цэн на цыгарэты, як правіла, не моцна прыкметныя пакупнікам. Зрэшты, за год кошт пачкі можа падняцца больш, чым на 50 капеек.
Міністэрства аховы здароўя ўжо заяўляла аб сваёй прапанове павышаць акцызы як на тытунёвую, так і на алкагольную прадукцыю. Акрамя гэтага, неўзабаве чакаецца прыняцце абноўленага "антытытунёвага" дэкрэта, які ўвядзе больш абмежаванняў на гандаль цыгарэтамі.
