Дзве станцыі трэцяй лініі мінскага метро амаль гатовыя

© Sputnik / Виктор ТолочкоБудаўнічыя работы, архіўнае фота
Будаўнічыя работы, архіўнае фота - Sputnik Беларусь
Падпісацца
Зараз будаўнікі прыступаюць да збудавання яшчэ трох новых станцый метрапалітэна.

МІНСК, 25 вер — Sputnik. Аддзелачныя работы ўжо вядуцца на дзвюх станцыях трэцяй лініі сталічнага метрапалітэна — "Вакзальнай" і "Кавальскай слабадзе", паведамілі ў панядзелак у Мінгарвыканкаме.

Трэцяя лінія мінскага метрапалітэна павінна быць адкрыта да канца 2020 года, яна пройдзе ад "Фрунзенскай" да "Слуцкага гасцінца", а ў далёкай перспектыве будзе прадоўжана і да спальнага мікрараёна Зялёны Луг.

Мінскі метрапалітэн, станцыя Якуба Коласа - Sputnik Беларусь
Як выглядае вагон цягніка метро, упрыгожаны графіці Vulica Brasil

Як стала вядома ў ходзе аператыўнай нарады ў Мінгарвыканкаме ў панядзелак, у верасні будаўнікі прыступілі да будаўніцтва трох станцый трэцяй лініі — "Аэрадромнай", "Немаршанскага саду" і "Слуцкага гасцінца". Зараз на пляцоўках падрыхтоўваюць тэрыторыю.

На станцыях "Кавальская слабада" і "Вакзальная" ўжо вядуцца аздабленчыя працы — яны амаль гатовы да працы.

Першы пускавы комплекс трэцяй лініі сталічнага метро будзе складацца з "Кавальскай слабады", "Вакзальнай", "Плошчы Францішка Багушэвіча" і "Юбілейнай плошчы". Збудаванне станцый праходзіць адначасова.

Усяго ў першым участку трэцяй лініі будзе сем станцый, яе працягласць складзе крыху больш за восем з паловай кіламетраў.

Стужка навiн
0